Нұрсұлтан Назарбаев Украина президенті Петр Порошенкоға көңіл айту жеделхатын жолдады, - деп хабарлайды Tengrinews.kz тілшісі Ақорданың баспасөз қызметіне сілтеме жасап.
"Мемлекет басшысы Львов облысындағы "Степная" шахтасында жарылыс салдарынан адамдардың қаза болғаны туралы қайғылы хабарды зор күйзеліспен қабылдады", - деп хабарлады Президенттің баспасөз қызметі.
Нұрсұлтан Назарбаев қаза болғандардың отбасылары мен туған-туыстарына Қазақстан халқының және жеке өзінің атынан көңіл айтып, қолдау білдірді.
