+7 (777) 001 44 99
Қазақша
Русский
English
Польша президенті Анджей Дуда мемлекеттік сапармен Астанаға келді, - деп хабарлайды Tengrinews.kz тілшісі. Нұрсұлтан Назарбаев Польша президентін Ақордада қабылдады.
"Біз біржақты кездесу барысында екі тарап қызығушылық танытып жүрген өңірлік, жаһандық мәселелерді, сондай-ақ, дамып жатқан қазақстандық-поляк ынтымақтастығын талқыладық", - деді Нұрсұлтан Назарбаев поляк әріптесімен өткен кеңейтілген кездесу барысында.
"Біздің халықаралық проблемаға қатысты ойымыз бір. Былтыр Қазақстанда поляк капиталының көмегімен пайда болған он жаңа кәсіпорын пайда болды. Шамамен 100 миллион доллар ақша құйды. Біздің екі ел арасындағы қарым-қатынастың осылай дамуының арқасында биыл Польшаның экономикасы 4 пайызға дейін, Қазақстанның экономикасы да осынша пайызға өседі деп сенемін. Бұл өсім бізге болашаққа үмітпен қарауға көмектеседі", - деді Мемлекет басшысы Польша президентіне.
Еске сала кетейік, осыған дейін 6 қыркүйекте Астанаға Польша президенті Анджей Дуданың келетіні хабарланған болатын. Сондай-ақ, Польша президентімен кездесу аясында қазақстандық-поляк бизнес-форумының өтетіні айтылады. Онда Назарбаев пен Анджей Дуда қатысады деп жоспарланып отыр.
