+7 (777) 001 44 99
Қазақша
Русский
English
Президент Назарбаев Қазақстан үшін басты қатерді атады, - деп хабарлайды Tengrinews.kz тілшісі. Елордада VIII Астана экономикалық форумы өтіп жатыр. Бүгін Мемлекет басшысы АЭФ қатысушыларының тарапына арнап сөз сөйледі.
Өз сөзінде Президент халықаралық күн тәртібіндегі бірқатар өзекті тақырыпты көтерді және бас бизнес-тілші әрі BBC-дегі Talking Business бағдарламасының жүргізушісінің "Әлемдік дағдарыс Қазақстанға әсер етті ме және оған қандай қауіп төнуі мүмкін?" деген сұрағына жауап берді.
"Басты қауіп - біздің экономикамыздың стагнациясына жол бермеу. Сондықтан біз барлық шараны қолдандық. Қазақстан кеңес кезінде шикізат жеткізетін мемлекет ретінде дамыды. Өндіруге назар аударылмады. Қазір біз екінші экономиканы, мұнай мен газдың экспортына тәуелді емес экономиканы құрастыруға тырысып жатырмыз. Яғни индустриалдық инновациялық саясатты жүргізіп отырмыз. Жаңа зауыттар салып жатырмыз", - деді Нұрсұлтан Назарбаев.
"Қазіргі дағдарыс Қазақстанның ішінде болған жоқ. Ол сыртқы факторлардың нәтижесінде болып жатыр. Біріншісі - мұнай мен металл бағасының түсуі. Екіншісі Еуропаның және Ресейдің санкциялары. Ресей - басты серіктесіміздің бірі. Біз мұны, әрине, сеземіз", - деді Қазақстан Президенті.
Сұраққа жауап беру кезінде Нұрсұлтан Назарбаев бүгінде Қазақстанда енгізіліп жатқан бағдарламалардың мультипликатив эффектісін жасайтынын, өз сөзінше, бір жарым пайызға белгілі бір көрсеткіш беретінін атап өтті.
"Өздеріңіз білетіндей, мен Қазақстан халқының толықтай қолдауына ие болдым, мен гарант болдым және коммунистік өткенімізден қалған қалдықтардан құтылатындай, яғни біреудің асырауындағы адамнан жұмыс істеп, табыс табатын адамға айналатындай еттім. Мемлекет жағдай мен жұмыс орындарын жасауы керек. Бірінші мақсат - заманауи мемлекеттік қызмет, даму меритократиялық түрде өтетіндей, лайықты болатындай іс. Еңбек бағаланады, лайықты түрде төленеді, тек лайықтылар қызметте болады", - деді Нұрсұлтан Назарбаев таяуда жасалған "100 нақты қадам" бағдарламасының басты қауіптерге жауап беретінін айтып.
Айта кетейік, "100 қадам" бағдарламасы - Президент Нұрсұлтан Назарбаевтың сайлауалды бағдарламасы аясында құрылған 5 ірі реформаны жүзеге асырудың жоспары. Мемлекет басшысы бұл реформаларды жаһандық және ішкі сын-қатерлерге жауап, сонымен қатар бір мезгілде жаңа тарихи жағдайларда дамыған мемлекеттердің отыздығына кіру жоспары деп атады. Назарбаев бұл жобаға "Ұлт жоспары" деген атау беріп, алдағы 10-15 жылдықа жүзеге асырылуы тиіс басты міндет екенін айтты.
Бағдарламаға бес реформа кіреді: мемлекеттік заманауи аппарат қалыптастыру, заңның үстемдігін қамтамасыз ету, индустрияландыру және экономикалық өсім, біртектік пен бірлік, есеп беретін мемлекет қалыптастыру.
