+7 (777) 001 44 99
Қазақша
Русский
English
Қазақстанның Тұңғыш Президенті Нұрсұлтан Назарбаев қазақстандықтарды 9 маусымда өтетін сайлауға белсенді қатысуға шақырды, - деп хабарлайды Tengrinews.kz тілшісі.
"Наурызда президент өкілеттігін тоқтату туралы шешім қабылдадым. Менің бұл қадамымды әлемнің көптеген елдерінің көшбасшылары қолдады. Елде бұған байланысты өкініш, үрей болғанын білемін. Уақытты ырыққа көндіре алмаймыз, бәрі өзгереді, біз де өзгеруіміз керек. Ұзақ ойланғаннан кейін осы шешімді қабылдадым", - деді Назарбаев Қазақстан халқы ассамблеясының сессиясында.
Ол мемлекет басшысы мен халық біртұтас болса, кез келген қамалды алуға болатынын айтты.
"9 маусымда президент сайлауы өтеді. Мен Nur Otan съездінде Қасым-Жомарт Тоқаевтың кандидатурасын ұсындым. Сіздер оны жақсы білесіздер. Ол - дана мемлекеттік қайраткер, Қазақстанның нағыз патриоты, бүгінде елді лайықты басқарып отыр. Барша қазақстандықты сайлауға белсенді қатысып, бірлігімізді тағы бір көрсетуге шақырамын", - деді Назарбаев.
