+7 (777) 001 44 99
Қазақша
Русский
English
Қазақстан Президенті Нұрсұлтан Назарбаев Мәскеу түбінде болған ұшақ апатынан қаза тапқандардың отбасына көңіл айту жеделхатын жолдады, - деп хабарлайды Tengrinews.kz тілшісі Ақордаға сілтеме жасап.
Мемлекет басшысы Мәскеу облысында Ан-148 жолаушылар ұшағының құлауы салдарынан көптеген адамның қаза болғаны туралы хабарды зор күйзеліспен қабылдады.
"Қазақстан халқының және жеке өзімнің атымнан қаза болғандардың отбасылары мен жақындарына қайғыларына ортақтасып, көңіл айтамын", - делінген Ресей Федерациясының президенті Владимир Путинге жолданған жеделхатта.
Еске салайық, 11 ақпанда күндізгі уақытта Ан-148 ұшағы сағат 14.21-де Домодедово әуежайынан ұшып шығып, 7 минуттан кейін, яғни сағат 14.28-де күтпеген жерден радарлардың экранынан жоғалып кетті.
Жоғалып кеткен Ан-148 ұшағының бортында 65 жолаушы мен экипаждың 6 мүшесі болған. Қылмыстық іс қозғалды.
Ал кейінірек қаза тапқандар тізімі және оқиға орнынан суреттер жарияланды. Сондай-ақ, Ресейде апатқа ұшыраған ұшақта ұлты қазақ жолаушының болғаны айтылады.
