+7 (777) 001 44 99
Қазақша
Русский
English
Нұрсұлтан Назарбаев NHK телерадио хабарлар тарату корпорациясы мен "Киодо Цусин" ақпарат агенттігіне сұхбат берді, - деп хабарлайды Tengrinews.kz тілшісі Ақорданың баспасөз қызметіне сілтеме жасап.
Әңгіме барысында Қазақстан Президенті еліміздің ядролық қаруды таратпау және қарусыздану саласындағы жұмсаған күш-жігеріне байланысты сауалдарға жауап беріп, ядролық арсеналдан бас тарту туралы шешім қабылдауға әсер еткен себептер жөнінде айтты.
Сондай-ақ Мемлекет басшысы Қазақстан мен Жапонияның өзара іс-қимылының, соның ішінде ядролық қарусыздану саласындағы ынтымақтастықтың перспективаларын атап өтті.
"Мен қазір екі ел арасында келісіссөздердің жақсы жүріп жатқанын білемін. Мен Путиннің, Ресейдің сенімді қарым-қатынас орнатқысы келетінін білемін. Бірақ сіздердің араларыңызда үнемі аралдарға қатысты мәселе шешілмей қалады. Көптеген елдерде осыған ұқсас шешілмеген мәселелер бар. Оларды жақсы әрі сенімді қарым-қатынас орнату арқылы шешуге болады", - дейді Президент видеороликте.
Бұдан бөлек, Елбасы өңірлік геосаяси үдерістегі республикамыздың рөлі және еліміздің әлеуметтік-экономикалық дамуы туралы әңгімеледі.
NHK телерадио хабарлар тарату корпорациясы мен "Киодо Цусин" ақпарат агенттігі Жапониядағы және жаһандық ақпарат кеңістігіндегі жетекші бұқаралық ақпарат құралдары болып саналады.
