+7 (777) 001 44 99
Қазақша
Русский
English
Ақордада Қазақстан Президенті Нұрсұлтан Назарбаевтың Қазақстанның әйелдер қауымы өкілдерімен 8 Наурыз Халықаралық әйелдер күніне арналған "Көктем шуағы" атты кездесуі өтті, - деп хабарлайды Tengrinews.kz тілшісі.
Әңгіме барысында Мемлекет басшысы ана туралы оқиғаны айтып берді. "Балалар туралы айта отырып, ойыма бір оқиға түсті. Бір бала мектептен мұғалімінен алған хаттармен оралады. Анасы хатты алып, конвертті ашып, оқиды да, жылап қалады. Бала анасын жұбата бастайды: "Анашым, неге жылайсыз?". "Мұнда сенің дарынды бала екенің жайлы жазылған, сондықтан бұдан былай сені осы мектепте оқытпайды. Сені үйде ата-анаң оқытуы керек, сен барлығын меңгердің" деп жазылған дейді. Көп жыл өтіп, анасы бұл өмірден өтеді. Ол ескі қағаздарды ақтара отырып, осы хатты тауып алады. Хатта "Сіздің балаңыз дамымаған, сондықтан бұл мектепте оқи алмайды" деп жазылған болып шығады. Бұл бала Томас Эдисон, оның шамын бүкіл әлем әлі күнге дейін қолданады. Ұлы өнертапқыш. Анасының сенімі қандай адамды жасап шығарды. Естеріңізде болсын!", - деді Президент әйелдер қауымымен кездесу барысында.
