03 қараша 2015 21:00

Назарбаев Ұлыбритания премьер-министрі Дэвид Кэмеронды "Достық" орденімен марапаттады

ПОДЕЛИТЬСЯ

Нұрсұлтан Назарбаев. © Тұрар Қазанғапов Нұрсұлтан Назарбаев. © Тұрар Қазанғапов

Мемлекет басшысы Ұлыбритания Премьер-министрі Дэвид Кэмеронмен кездесті, - деп хабарлайды Tengrinews.kz тілшісі Ақордаға сілтеме жасап. 


Мемлекет басшысы Ұлыбритания Премьер-министрі Дэвид Кэмеронмен кездесті, - деп хабарлайды Tengrinews.kz тілшісі Ақордаға сілтеме жасап. 

Кездесу барысында Қазақстан мен Британия ынтымақтастығының негізгі бағыттары талқыланды. "Нұрсұлтан Назарбаев Д.Кэмеронның 2013 жылы Қазақстанға жасаған сапары екіжақты қарым-қатынастарға тың серпін бергенін айтты. Елбасы сондай-ақ  келіссөздер барысында Қазақстан үкіметінің мүшелері британ тарапымен маңызды уағдаластықтарға қол жеткізгенін атап өтті", - делінген хабарламада. 

Сонымен қатар, Қазақстан Президенті Ұлыбритания Премьер-министрін соңғы өткен парламенттік сайлаудағы айқын жеңісімен және жаңа үкімет құрамын жасақтауымен құттықтады. "Осы бір күрделі кезеңде Сіздің ел жетістіктерге жетіп отырғанын  атап айтқым келеді. Менің сапарымның бағдарламасының тығыздығы біздің  қарым-қатынасымыздың жоғары деңгейде екенін көрсетеді", - деді Мемлекет басшысы.

Дэвид Кэмерон инвестиция тарту, индустрияны дамыту және сауда саласында Қазақстанның керемет табыстарға жеткеніне назар аударды. Ұлыбритания Премьер-министрі сондай-ақ бүгінде елдеріміздің келіссөздер өткізетін мәселелер аясы кең екенін айтты және Нұрсұлтан Назарбаев ұсынған реформаларды жүзеге асыру жайын талқылауға ниетті екенін білдірді.

Келіссөздер қорытындысы бойынша төмендегідей екіжақты құжаттарға қол қойылды:

– Қазақстан Республикасы мен Ұлыбритания және Солтүстік Ирландия Біріккен Корольдігі арасындағы өзара құқықтық көмек туралы шарт;

– Қазақстан Республикасының мемлекеттік қызмет істері және жемқорлыққа қарсы іс-қимыл агенттігі мен Ұлыбритания Министрлер кабинетінің Хатшылығы арасындағы өзара түсіністік туралы меморандум;

– Ұлыбритания және Солтүстік Ирландия Біріккен Корольдігінің  "ЭКСПО-2017" көрмесіне қатысуы туралы шарт;

Кездесу соңында Қазақстан Президенті Ұлыбритания Премьер-министрін I дәрежелі "Достық" орденімен марапаттады. 

Читайте также
Join Telegram

Валюта бағамы

 449.57   483   4.85 

 

Ауа райы

 

Редакция Жарнама
Социальные сети