+7 (777) 001 44 99
Қазақша
Русский
English
Қазақстанға ресми сапармен Зимбабве президенті Эммерсон Мнангагва келді, - деп хабарлайды Tengrinews.kz тілшісі Ақордадан.
Шетелдік қонақпен ресми кездесу Қазақстан Президентінің елордалық резиденциясында өтті. Эммерсон Мнангагвамен кездесу барысында Нұрсұлтан Назарбаев оған республика үкімет мүшелерін таныстырды.
Сосын Мемлекет басшысы Зимбабведен келген делегациямен амандасты. Осыдан кейін Мемлекеттік кұзет қызметінің президенттік оркестрі екі елдің әнұранын орындады.
Эммерсона Мнангагва мойнында Зимбабве туын бейнелейтін мойынорағыш болды. © Тұрар Қазанғапов
Мемлекет басшылары Ақордада екіжақты келіссөздер жүргізіледі, содан кейін Нұрсұлтан Назарбаев және Эммерсон Мнангагва журналистермен кездесуге шығады.
Қазақстанға келгенге дейін Зимбабве көшбасшысы Ресейде, Беларусьте және Әзербайжанда болды.
76 жастағы Эммерсон Мнангагва 2017 жылы қарашада Зимбабве президенті болып сайланды. Оған дейін ол елдің бірінші вице-президент қызметін атқарды.
