Қазақстан Президенті Нұрсұлтан Назарбаев жұмыс сапарымен Қызылорда облысына барды, - деп хабарлайды Tengrinews.kz тілшісі облыс әкімінің баспасөз қызметіне сілтеме жасап.
Мемлекет басшысы сапар барысында өңірдегі бірқатар әлеуметтік және өндірістік нысандарды аралайды.
Сонымен қатар, Президент "Арай-2" ықшамауданындағы ипотекалық үйлердің құрылыс барысымен танысады, ол 2014 жылдың қыркүйегінен бері "Өңірлерді дамыту-2020" бағдарламасының шеңберінде жүріп жатыр. Баспаналардың жалпы құны 3,7 миллиард теңге. Жаңа баспаналар 2015 жылдың қазан айында пайдалануға беріледі деп жоспарланған.