+7 (777) 001 44 99
Қазақша
Русский
English
Елбасы Нұрсұлтан Назарбаев қазақстандық журналистерді марапаттады, - хабарлайды Tengrinews.kz тілшісі.
Бұл туралы Президент Қасым-Жомарт Тоқаевтың баспасөз хатшысы Айдос Үкібай Twitter желісіндегі парақшасында жазды.
"Тәуелсіздік күні қарсаңында елдігімізді нығайтып, егемендігімізді тұғырлы ету жолында аянбай еңбек еткен бір топ журналистер Қазақстан Республикасының Тұңғыш Президенті - Елбасы Нұрсұлтан Назарбаевтың Алғысымен марапатталды. Әріптестерімізді шын жүректен құттықтаймыз!", - деп жазды Айдос Үкібай.
Алғыс хаттар "Алаш Медиа Групп" ЖШС медиа-холдингінің бас директоры Батыр Қазыбаевқа, "Хабар" агенттігінің тілшісі Дархан Абдуахит, "Казахстанская правда" газетінің директоры Юлия Магер, "ҚР Президентінің телерадиокешені" КЕАҚ техникалық директоры Қайрат Мақажанов, "Қазақстан" телеарнасының тілшісі Асима Бұхарбаева мен "ҚР Президентінің телерадиокешені" КЕАҚ "Назарбаев орталығы" техникалық-өндірістік қызметінің басшысы Ернар Ибрагимовқа берілді.
