Назарбаевқа EXPO-2017 шеңберіндегі ойын-сауық орталығы туралы баяндалды

17 Қыркүйек 2014, 15:08
0
Назарбаевқа EXPO-2017 шеңберіндегі ойын-сауық орталығы туралы баяндалды - ©ТengrinewsTV
©ТengrinewsTV

Мемлекет басшысы Astana Group ЖШС президенті Нұрлан Смағұловты қабылдады, - деп хабарлайды Тengrinews.kz тілшісі Ақордаға сілтеме жасап.

Кездесу барысында Смағұлов Мемлекет басшысына EXPO-2017 жобасы аясындағы мәдени-сауық орталығы құрылысының басталғандығы туралы баяндады.

Қазақстан Президенті халықаралық көрме құрылысына жоспарланған ғимараттың бірегейлігін атай отырып, оларды көрмеден кейінгі кезеңде тиімді пайдалануды қамтамасыз етудің маңыздылығын айтты.

Astana Group ЖШС басшысы салынып жатқан нысан Астана қаласының көрікті, қала тұрғындары мен қонақтары үшін тартымды орындарының біріне айналатындығын мәлімдеді.

Жалпы алаңы 140 мың шаршы метрді құрайтын бұл орталықта Қазақстандағы ең ірі балалар аттракциондарының саябағы, 14 залды мультиплекс-кинотеатр, тақырыптық сипаттағы мейрамханалық галереялар, көпфункционалды мұзайдын болады. Оның құрылысын 2016 жылдың қыркүйегіне дейін аяқтау жоспарланған.

Еске сала кетейік, шілде айында Смағұлов Назарбаевқа EXPO-2017 кешені аумағында салынатын жаңа сауда орталығы туралы әңгімелеп, оған "Нұр Плаза" деген атау беруді ұсынған еді.

 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай