+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Атырау облыстық ауруханасының неврология бөлімшесінің науқастары "Ақ Жайық" журналистеріне жаға ұстататын оқиғаны баяндап берді.
Атырау облыстық ауруханасының неврология бөлімшесінің науқастары "Ақ Жайық" журналистеріне жаға ұстататын оқиғаны баяндап берді.
28 маусымда бұл бөлімшеге Қарақалпақстан тумасы, 26 жастағы Паруаз Мнажатдинова ауыр жағдайда түсіпті. Аяусыз соққыға жығылған қызды полицейлер "Авангард" ықшамауданынан тауып алыпты.
Паруаз бала кезінен бері ұстама ауруымен ауырады, соққыға жығылғаннан кейін оның жағдайы нашарлап кеткен - оның эпилептикалық ұстамасы қайталана берген. Науқас есін жиғанда палаталастарына тап болған оқиғасы жайлы айтып берген. Олар қыздың шарасыз күйін көріп, журналистерден көмек сұраған.
Паруаздың айтуынша, ол Нөкістен Ақтауға күйеуіне бола келіпті. Пойызда онымен үш қыз танысқан. Олар никаб киген, сондықтан түрлерін білмеген. Олардың бірі Жұмагүл деп танысыпты.
"Олар Атырауға үйіне бара жатқанын айтты, пойыздан өздерімен бірге түсіп қалуын сұрады. Бала күтуші болып жұмыс істейсің деп, күн сайын 2800 теңгеден төлеуге уәде берді. Бұл көп ақша. Туыстарына көмектескім келгендіктен келісім бердім. 21 маусымда біз Атырауға келіп жеттік. Вокзалда ақ джип мінген ер адам күтіп алды. Екі қабат коттеджге алып келді, сөмкемді алып қойды, ішінде паспортым мен телефоным бар еді, сосын жертөлеге қамап тастады. Бала күтуші емес, бір кафенің асханасында жұмыс істетіп қойды, шағын мешітке апарып жүрді, онда да ас дайындадым. Түндерімді сол жертөледе өткіздім, онда егеуқұйрықтар болды, олар менің аяғымды тістеп тастады. Бірнеше күн өткеннен кейін алданғанымды түсіндім, сөйтіп, қашуға сәт күттім. Бірақ олар мені ұстап алып, соққыға жықты. Басымнан ұрып, шашымнан ұстап сүйреді. Осыдан ұстама ауруым қозды. Сегізінші сыныптан бері эпилепсиям бар. Олар шошып кетіп, көшеге тастап кетті. Есімді жиған соң бас ауған жаққа қаша жөнелдім...", - дейді қыз.
Палаталас құрбылары соққыға жығылған науқасқа полицейлердің келгенін айтты: "Олар қызбен әңгімелесті. Бірақ ол арыз жазбады. Полицейлер ұсынған да жоқ, өзі де бұл туралы ойламады. Бірақ қазақ тілін білмесе, қалай жазады, орыс тілін де білмейді, мұндай жағдайда бола отырып қалай жазбақ? Оның үстіне ұстамасы сағат сайын қайталана берді".
Мақала авторы бұл оқиғаның шындыққа жанаспауы да мүмкін екенін алға тартады. Алайда бір ғана дерек әзірше рас - қызды біреулер ұрып-соққан, құжаттары жоқ, ауруханадан бірақ шыққан.
Басылым тілшісі осы дерек бойынша полициядан қандай да бір мәлімет ала алмай отырғанын жазады.
Алайда оқиғадан хабары бар тұрғындар әйелге көмектесуге кірісіп кеткен. Бей-жай қарай алмаған тұрғындар Паруазға киім-кешек, тамақ, ұялы телефон алып келіпті. Сонымен қатар, олар оның туыстарын іздеуге көмектесіп жатыр екен.
