Нұр-Сұлтан мен Алматыда 100 шақты адам митингіде ұсталды

09 Маусым, 15:35
0
Нұр-Сұлтан мен Алматыда 100 шақты адам митингіде ұсталды - Алматыда митинг. © Tengrinews.kz
Алматыда митинг. © Tengrinews.kz

9 маусымда Нұр-Сұлтан мен Алматыда митингтер өтті. Бұл туралы ішкі істер министрінің бірінші орынбасары Марат Қожаев ОСК брифингінде мәлімдеді, - деп хабарлайды Tengrinews.kz тілшісі. 

"Нұр-сұлтан мен Алматыда Қазақстанның соты тыйым салған ДВК экстремистік ұйымының үндеуі бойынша жүздеген адам жиналды. Ұйымның қашқын басшыларының елімізде биліктің беделін түсіру, кезектен тыс президент сайлауына бойкот жариялау бойынша жаппай насихат жүргізіп, сайлау кезінде қоғамға қарсы іс-қимыл жасауға шақырғаны белгілі болды", - деді ол.

Журналистердің сұрақтарына жауап бере отырып, Нұр-сұлтан және Алматы митингтерінде қанша адам ұсталғаны туралы сұраққа, Қожаев "Әңгіме жүз адам шамасында болып отыр" деп мәлімдеді.

"Әрине, осыншама шетелден үгіттеу шараларының нәтижесінде, халықтың бір бөлігі үн қатқан. Біз қазіргі уақытта қоғамдық тәртіп пен қауіпсіздікті бұзуға жол бермеу шаралары қолға алып жатырмыз", - деді Қожаев.

"Олардың деструктив үндеулеріне қарамастан, сайлау жоспарлы түрде өтіп жатыр, халық өз таңдауын білдіру үшін учаскелерге барады", - деді министрдің бірінші орынбасары.

Получить короткую ссылку

Тегтер:

  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай