+7 (777) 001 44 99
Қазақша
Русский
English
Елордада әртүрлі тұрғын үй кешеніндегі 4 кіреберіс карантинге жабылды, деп хабарлайды Tengrinews.kz қала әкімдігінің баспасөз қызметіне сілтеме жасап.
"2 мамыр күні әртүрлі тұрғын үй кешеніндегі 4 кіреберіс карантинге жабылды. Оның ішінде "Номад" тұрғын кешені де бар. Кіреберістерде дезинфекция жүргізілді. Тұрғындарға үйлерінен шығуға тыйым салынды. Олар үйдегі карантинде отыруы тиіс. Сондай-ақ бұл кіреберістерге басқа адамдардың келуіне тыйым салынады", - дейді әкімдік қызметкерлері.
Қазіргі таңда бұл аумақты полиция қызметкерлері бақылауға алған әрі мұнда ескерту белгілері қойылыпты.
"Кіреберістер карантинге қалалық санитар дәрігердің қаулысы бойынша жабылады. Бұл шаралар тұрғындардың қауіпсіздігі үшін жасалды", - дейді әкімдік қызметкерлері.
Елорда әкімдігінің мәліметіне сәйкес, қазіргі таңда тұрғын үй кешендеріндегі 21 кіреберіс карантинге жабылған.
Айта кетейік, Қазақстанда коронавирус жұқтырғандардың саны 3877-ге жетті.
Нұр-Сұлтанда қауіпті індетті жұқтырудың 682 дерегі тіркелді.
