Нұр-Сұлтанда автобуста жолаушымен төбелескен ер адам ұсталды

"Полицейлер жедел-іздестіру шарасы барысында күдікті ретінде жергілікті 33 жастағы тұрғынды анықтады. Бұзақылық дерегі бойынша сотқа дейінгі тергеу жүргізіліп жатыр", - делінген ресми хабарламада. 

Айта кетейік, оқиға 15 тамызда №9 автобуста сағат 10:00 шамасында болған. Жәбірленушінің айтуынша, қақтығыстан кейін белгісіз ер адам оған баллоннан сұйықтық шашып жіберген. Содан кейін ер адам жәбірленушіні аяғымен бетінен теуіп жіберіп, оқиға орнынан қашып кеткен.