Нұр-Сұлтанда бір күнде 100-ден аса жол-көлік оқиғасы болды 03 қараша 2021, 12:56
Елордада полицейлер бір тәулікте 125 жол-көлік оқиғасы тіркелгенін айтып, жүргізушілерден жолда абай болуды сұрады, - деп хабарлайды Tengrinews.kz тілшісі қалалық полиция департаментінің баспасөз қызметіне сілтеме жасап.
"Елордада бір тәулік ішінде 125 жол-көлік оқиғасы тіркелді, салдарынан үш адам зардап шекті. Таңғы сағат 7.00-ден бері 35 жол-көлік оқиғасы орын алды", - деді полицейлер.
2 қараша күні кешкі сағат 20.00 шамасында 36 жастағы Shacman жүк көлігінің жүргізушісі Тәуелсіздік даңғылының бойында LRT бетон арматурасымен соқтығысқан. Жүргізуші зардап шеккен жоқ.
Посмотреть эту публикацию в Instagram
Тәртіп сақшылары жүргізушілерден жолда өте абай болуды және жылдамдықты шектеуді, қашықтық сақтауды сұрайды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!