+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Елордада "Мейірім" медициналық орталығы мен Керей, Жәнібек хандар көшесінде орналасқан ұлттық ғылыми онкологиялық орталығы карантинге жабылды, деп хабарлайды Tengrinews.kz тілшісі қалалық әкімдіктің баспасөз қызметіне сілтеме жасап.
Елордада "Мейірім" медициналық орталығы мен Керей, Жәнібек хандар көшесінде орналасқан ұлттық ғылыми онкологиялық орталығы карантинге жабылды, деп хабарлайды Tengrinews.kz тілшісі қалалық әкімдіктің баспасөз қызметіне сілтеме жасап.
"Вирус жұқтырғандармен байланыста болған адамдар карантинге жіберілді, оның ішінде медицина қызметкерлері де бар. Дезинфекция жүргізіліп жатыр. Пациенттерге баруға қатаң тыйым салынды", - делінген хабарламада.
Еске салайық, қалалық штаб барлық әуе жолаушысын тексеру туралы шешім қабылдады. Нұр-Сұлтан қаласының медицина қызметкерлері 22 наурыздан бастап 20-дан астам рейсті қабылдады, бұл шамамен 1750 адам. 1,5 мың адам коронавирусқа тапсырған тест нәтижесін алды.
Үш жолаушының тесті оң нәтиже көрсетті. Барлық жолаушыны тексеру инфекция жұқтырған адамдардың қалаға шығуына жол бермеуге және оларға уақтылы медициналық көмек көрсетуге мүмкіндік беріп отыр.
Осыған дейін елордадағы №2 көпсалалы облыстық аурухана карантинге жабылған еді. 26 наурызда дәл осы ауруханада Қосшы ауылының 64 жастағы тұрғыны коронавирус инфекциясынан қайтыс болды.
Қазақстанда коронавирустан 18 адам жазылып шықты, оның 13-і - Нұр-Сұлтан қаласында.
Елімізде коронавирус жұқтырғандардың саны 229 адамға жетті.
