Нұр-Сұлтанда екінші ауысымдағы 0-4-сынып оқушылары қашықтан оқыту форматына ауысты, - деп хабарлайды Tengrinews.kz тілшісі елордалық әкімдік сайтына сілтеме жасап.
"Нұр-Сұлтан қаласының Білім басқармасы 22.11.2021 жылы ауа райының қолайсыздығына байланысты қала мектептерінің екінші ауысымындағы 0-4 сынып оқушылары үшін сабақ қашықтан оқыту форматына ауысатынын хабарлайды", - делінген хабарлдамада.
Бұған дейін синоптиктердің 23-25 қарашаға арналған ауа райы болжамы жарияланған еді. Қазақстанда солтүстік-батыс циклоны мен оның фронтал бөлімдері әсері сақталады. Сондықтан ауа райы тұрақсыз болып, жауын-шашын (көбінесе қар түрінде) жауады, Шығыс Қазақстан облысының солтүстік-шығыс бөлігінде қар күтіледі.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
