Нұр-Сұлтан Қоғамдық денсаулық сақтау басқармасының басшысы Сәуле Қисықова елордада 330 медицина қызметкері коронавирус жұқтырғанын мәлімдеді, - деп хабарлайды Tengrinews.kz тілшісі.
"Жалпы қала бойынша медицина қызметкерлері арасында 330-ға жуық науқас тіркелген. Бұл Нұр-Сұлтандағы республикалық, қалалық, ведомстволық мекемелер. Соның ішінде Қоғамдық денсаулық сақтау басқармасының медұйымдарында - 200. Медицина қызметкерлерінің тек үштен бірі коронавирус жұқтырған науқастарды емдеуге тартылған стационарларда", - деді Қисықова брифингте.
Оның айтуынша, Нұр-Сұлтанда COVID-19 анықталған медицина қызметкерлері арасында өлім жоқ.
Қазақстан жаңалықтары. Соңғы жаңалықтар. Telegram желісінде бізге жазыл!
