1. Басты
  2. Біл
  3. Жаңалықтар
  4. Ел жаңалықтары

Нұр-Сұлтанда жылыту маусымы қашан басталады?10 қыркүйек 2020, 14:14

Фото: gorvesti.ru Фото: gorvesti.ru

Елордада жылыту маусымына дайындық бекітілген кесте бойынша жүргізіліп жатыр, - деп хабарлайды Tengrinews.kz тілшісі қала әкімдігінің ресми сайтына сілтеме жасап.

Нұр-Сұлтанда жылыту маусымы орташа ауа температурасы 5 тәулік бойы +10 градус және одан төмен болған кезде басталады.

"2001 жылғы 23 қаңтардағы "ҚР жергілікті мемлекеттік басқару және өзін – өзі басқару туралы" заңына, әрі елордалық мәслихаттың 2014 жылғы 27 маусымдағы шешімі брйынша жылыту маусымына дайындық және оны өткізу қағидаларына сәйкес, 5 тәулік ішінде ауаның орташа температурасы +10 °С және одан төмен болған кезде, жергілікті атқарушы орган жылыту маусымын бастау туралы шешім қабылдайды", - делінген хабарламада.

Сондай-ақ, елордада энергия кешендерін, ТКШ, білім беру, мәдениет және денсаулық сақтау нысандарының жылыту маусымына дайындығы бекітілген жоспар бойынша жүргізіліп жатыр. Көппәтерлі тұрғын үй қорының дайындығы 90 пайыздан жоғары.

Қазақстан жаңалықтары. Соңғы жаңалықтар. Telegram желісінде бізге жазыл!