+7 (777) 001 44 99
Қазақша
Русский
English
Қазақша
Русский
English
Елордада бір тәулікте бір айлық қар жауды. Қазгидрометте елордадағы ауа райы туралы айтылды, - деп хабарлайды Tengrinews.kz тілшісі.
"24 қараша мен 25 қарашаға қараған түні Нұр-Сұлтанға 25 миллиметр қар жауды. Қардың биіктігі 28 сантиметр болды. Елордада қарашада жауған жауын-шашын мөлшері - 28 миллиметр, демек бір тәулікте еліміздің бас қаласына бір айлық жауын-шашын болған, қар әлі де жауып жатыр", - деп хабарлады Қазгидрометтің баспасөз қызметі.
Сурет ©️ Tengrinews.kz / Тұрар Қазанғапов
Гидрометорталықтың болжамы бойынша, жауын-шашын бүгін сағат 16.00-де тоқтайды.
"Елордада қарашаның 1-інен 25-іне 45,1 миллиметр жауын-шашын түсті. Қалыпты жағдайдан екі есе артты, ал қараша әлі аяқталған жоқ", - деп түсіндірді Қазгидромет.
Нұр-Сұлтан әкімдігінің баспасөз қызметі коммуналдық қызметтер тәулік бойы жұмыс істейтінін атап өтті. 25 қарашада қар тазалауға 1300-ден аса арнайы техника мен 1900 жол жұмысшысы жұмылдырылды.
"Биыл 1 қарашадан бастап 150 мың текше метрден аса қар тазаланды. 24 қарашадан 25 қарашаға қараған түні 25,5 мың текше метрден аса қар шығарылды. Камаздармен 14 мыңнан аса рейс жасалды", - деп хабарлады қала әкімдігі.
Сурет ©️ Tengrinews.kz / Тұрар Қазанғапов
Елорда жолдарында екінші күн кептеліс байқалды.
Сурет ©️ Tengrinews.kz / Тұрар Қазанғапов
Сілтемесіз жаңалық оқисыз ба? Онда Telegram желісінде парақшамызға тіркеліңіз!
