+7 (777) 001 44 99
Қазақша
Русский
English
Астаналықтар елордада көмірдің жоқтығына шағымданды. Нұр-Сұлтан қаласының әкімдігі көмір қоры уақытылы толтырылып жатқанын түсіндіріп, қатты отын сатып алуға болатын мекенжайларды берді, - деп хабарлайды Tengrinews.kz тілшісі.
"Нұрсұлтан бойынша көмір сататын 14 орын бар, олар тиісті инфрақұрылыммен, тиеу-түсіру техникасымен толық жабдықталған. Онда сегіз компания өз қызметін жүзеге асырады",-деп хабарлады әкімдіктің баспасөз қызметі.
1 маусымнан 4 қазанға дейін қалаға 80 мың тонна көмір келді, бұл өткен жылдың осы кезеңімен салыстырғанда 10 мың тоннаға аз. 6 қазандағы жағдай бойынша көмір қоры 9 685 тоннаны құрады. Бүгін қалаға 5 мың тоннадан астам көмір келіп, 8 мың тоннаға жуығы жолда келе жатыр. Көмір қоры уақытылы толықтырылып отырады, деп сендірді әкімдік.
"Бағаның өсуіне жол бермеу мақсатында барлық компаниялармен тамыз айында бағаны өткен жылдың деңгейінде бекіту туралы меморандумдар жасалды:
Шұбаркөл-тоннасына 13 300 теңге;
Қаражыра-тоннасына 12 500 теңге;
Майкөбе-тоннасына 12 000 теңге", - деп түсіндірді әкімдікте.
Қаражыра кен орнының көмірін мына мекенжайлар бойынша сатып алуға болады: Герцен көшесі, 4/1, Герцен, 6/2, "Сороковая" станциясы, №85 көше, 9/1 құрылыс.
Шұбаркөл көмірі Герцен көшесі, 6 Б, Герцен, 6/2, Жұбанов көшесі, 35, Жамбыл Жабаев көшесі, 76 мекенжайлары бойынша сатылады.
Майкөбе көмірі Герцен көшесі, 6 Б, Герцен 6/2, Көктал, 28/1 мекенжайлары бойынша сатылады.
Елордадағы "Богатырь" көмір кенішінің отыны Герцен көшесі, 6/2 мекенжайында сатылады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
