+7 (777) 001 44 99
Қазақша
Русский
English
Нұр-Сұлтанда тәртіп сақшыларының формасын киіп, пәтерлерге түскен ұрылар туралы ақпарат жоққа шығарылды. Астананың Полиция департаменті бұл ақпаратты жалған деп атады, - деп хабарлайды StopFake.kz.
Әлеуметтік желіде полиция формасын киген белгісіз біреулер құжат тексеретіндей кейіп танытып, тұрғындардың үйін тонайтыны туралы ақпарат тараған.
"Нұр-Сұлтанда 16 тонау ісі анықталған, полиция формасын киген бір адам және тағы екі адам кіреді", - делінген Желіде тараған ақпаратта.
Нұр-Сұлтанның полиция өкілдері бұл ақпаратты жоққа шығарды.
"Ресми ақпараттарға ғана сеніңіздер. Жағдай толық бақылауда", - деді тәртіп сақшылары.
Сонымен қатар, полиция өкілдері төтенше жағдай кезінде жлған ақпарат таратқандарға Қылмыстық кодексте жаза қарастырылғанын ескертті.
Бүгінде полицейлер расында тексеріс жүргізіп жатыр екен.
"Бірақ тәртіп сақшылары қызметтік куәлігін көрсетеді. Тұрғындардан түсіністік танытуын сұраймыз", - деді полиция өкілдері.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
