+7 (777) 001 44 99
Қазақша
Русский
English
Нұр-Сұлтан полиция департаментінің басшысы Ерлан Саданов 21 қыркүйекте заңсыз митингіде ұсталғандар туралы пікір білдірді, - деп хабарлайды Tengrinews.kz тілшісі.
"21 қыркүйекте рұқсат етілмеген митингілер өткізуге шақырулар болды. Прокуратураның бірнеше рет ескертулеріне қарамастан, жекелеген адамдар арандатушылық шақыруларға ұшырап, басқа азаматтардың тыныштығы мен қауіпсіздігіне қауіп төндіріп құқыққа қарсы әрекеттер жасай бастады. Осыған байланысты, ішкі істер органдары қоғамдық тәртіпті бұзудың жолын кесу бойынша заңда көзделген шараларды қабылдады", - деді Нұр-Сұлтан қалалық полиция департаментінің басшысы Ерлан Саденов ІІМ-де өткен брифингте.
Оның айтуынша, қоғамдық тәртіпті бұзған, көлік қозғалысын тұрақсыздандырған, сондай-ақ қызметкерлерге бағынбаған және қарсылық көрсеткен заңсыз шеруге қатысушылар жеткізілді.
"Тәртіп бұзушыларды ұстау кезінде арнайы құралдар қолданылған жоқ. Нұр-Сұлтан қаласында 50-ге жуық тәртіп бұзушы жеткізілді. Олардың төртеуі әкімшілік жауапкершілікке тартылды. Қалғандары профилактикалық әңгімелесуден кейін үйлеріне қайтарылды", - деді Ерлан Саденов.
Осыған дейін, елордада және Алматыда заңсыз митингіге шыққан 57 адам ұсталғаны туралы айтылған еді.
Әлеуметтік желіде қыз баланың ұсталғаны видеоға түсірілді. Полицейлер оның кәмелет жасқа толғанын айтты.
