+7 (777) 001 44 99
Қазақша
Русский
English
Шетелден Нұр-Сұлтанға оралған 123 жолаушы стационарға жатқызылып, екі жолаушы депортацияланды, - деп хабарлайды Tengrinews.kz тілшісі елорда әуежайдың баспасөз қызметіне сілтеме жасап.
Дереккөз мәліметінше, бүгін Нұр-Сұлтан әуежайына Scat, Веlavia және Air Astana әуе компаниясының ұшақтары қонды, бортта барлығы 521 жолаушы мен 48 экипаж мүшесі болған. Рейстер Шарм-эль-шейх (чартерлік), Минск, Дубай және Ыстамбұлдан келген.
"123 жолаушының ПТР анықтамалары болған жоқ, олар стационарларға жатқызылды. Түркия мен Беларусьтен келген 2 жолаушы депортацияланды . Жоғары температурасы болған жолаушылар анықталған жоқ. ПТР тест тапсырғаннан кейін жолаушыларды үйлеріне жібереді, оң нәтиже болған жағдайда инфекциялық стационарға жібереді", - деп түсіндірді әуежайдың баспасөз қызметіндегілер.
Қазақстан жаңалықтары. Соңғы жаңалықтар. Telegram желісінде бізге жазыл!
