25 мамыр 2022 | 08:17

"Нұрлан Сабуров қателік жасады". Өнердегі әріптестері АҚШ-қа жасаған турын сынады

Гүлнара Досымшалова Корреспондент

ТНТ

Танымал әзілкеш, стендап комик Нұрлан Сабуровтың Ресейдің Украинаға басып кіруі кезінде АҚШ-қа тур жасау туралы шешімі қателік болды. Бұл пікірді Дмитрий Романов блогер Юрий Дудюге берген сұхбатында айтты, - деп хабарлайды Tengrinews.kz тілшісі.

Танымал әзілкеш, стендап комик Нұрлан Сабуровтың Ресейдің Украинаға басып кіруі кезінде АҚШ-қа тур жасау туралы шешімі қателік болды. Бұл пікірді Дмитрий Романов блогер Юрий Дудюге берген сұхбатында айтты, - деп хабарлайды Tengrinews.kz тілшісі.

"Менің ойымша, ол қателік жасады. Қателігі - осындай жағдайда тур жасауы, өнер көрсетуі. Дәл осындай жағдайда бұл қажет емес еді. Концертті кейінге қалдыруға болады ғой", - деді Романов.

"Мүмкін оған осы концерттерді ұйымдастырған біреу әсер еткен шығар",- деп қосты әзілкеш.

Романов Сабуров бұл сапар қателік болғанын айтып, халықтан кешірім сұраса бәрі орнына келетінін айтты. Блогердің неліктен бұлай істемейді деген сұрағына әзілкеш: "Болмайтын шығар", - деп жауап берді.

Одессада дүниеге келген Романов Ресейден қалай ұшып кеткенін, неге мұндай шешімге келгенін, соғыс туралы үндемей қалуға бел буған сахналық әріптестеріне қалай қарайтынын айтып берді.