"Нұрлы жол" бағдарламасына бөлінген қаражатың жылдық көлемінің 70 пайызы игерілді

25 Қазан 2016, 12:14
0
"Нұрлы жол" бағдарламасына бөлінген қаражатың жылдық көлемінің 70 пайызы игерілді - © 7kun.kz
© 7kun.kz

"Нұрлы жол" бағдарламасы бойынша ағымдағы жылғы 9 ай ішінде жылдық көлемнің 70 пайызға жуығы пайдаланылған, деді ҚР қаржы министрі Бақыт Сұлтанов "2016 жылғы 9 ай ішінде мемлекеттік бюджетті атқару қорытындылары туралы" мәселесі бойынша ҚР Үкіметінің отырысында, деп хабарлайды Tengrinews.kz тілшісі үкімет басшысының сайтына сілтеме жасап.
 
"Нұрлы жол" бағдарламасы бойынша ағымдағы жылғы 9 ай ішінде жылдық көлемнің 70 пайызға жуығы пайдаланылған. "Нұрлы жол" бюджет бөлігінің қаражатын игеру динамикасы жақсы. Әкімшілер Астана халықаралық әуежайы, Жезқазған - Бейнеу теміржол желісі және Алматы - Шу теміржол учаскесі, Құрық портындағы паром кешені, ҰИМТ АЭА инфрақұрылымы сияқты ірі инфрақұрылымдық жобаларды іске асыруға арналған қаражатты толық көлемде аударған. Осы жобалар болашақта мультипликативті әсер береді", - деді Б. Сұлтанов.

Ведомство басшысы атап өткендей, тұрғын үй құрылысына және ТКШ, білім беру инфрақұрылымын дамытуға бағытталған қаражат та өңірлерге уақтылы аударылған. 

"Жергілікті органдар 161,6 млрд теңгені немесе алынған қаражаттың 97,1 пайызын игерген. 3,7 миллиард теңге игерілмеген. Жалпы, игеру оңтайлы кесте бойынша орын алуда, қалған қаражат жыл соңына дейін тең бөлінді", - деп қосты Бақыт Сұлтанов.

Сонымен қатар, ведомство басшысы бюджет түсіміне де тоқталып өтті. Министр түсімдердің асыра орындалғанын, сондай-ақ салық өткен жылды тұтастай алғанда тең көлемде жиналғанын атап өтті.

"Шығындар қазіргі кезең үшін шыңдық мерзіміне жетіп игерілді. Шығынның жартысы әлеуметтік болып есептелсе, тағы төрттен бір бөлігі экономикалық өсу үшін бағытталды", - деді Бақыт Сұлтанов.

Сонымен қатар, министрлік басшысы экономикалық тұрақтылық үшін өңірлік экономика жаңа трансферттермен қолдау тауып отырғанын және де жалпы алғанда, жергілікті бюджеттер нәтижелі көрсеткішке қол жеткізіп отырғанын мәлімдеді.

"Орындау қорытындысы салықтық бюджет саясатының экономикалық жағдайға әсерінің оң нәтижесін көрсетеді", - деп атап өтті министр.

Министрдің айтуынша, түсімдер шамамен 1 трлн теңгеге  (941 миллиард теңге немесе 26 пайызға ) артық орындалды.

"Бұл макроэкономикалық жағдайдың жақсарғанын көрсетеді. Мәселен, белсенді төлемшілердің қатары 7,3 пайызға артып, 85 мың кәсіпорынға жетті", - деді министр.

Түсімдерді асыра орындау бюджетті нақтылаудың негізі болды. Жалпы, мемлекеттік бюджеттің түсімдері (трансферттерді есептемегенде) 126 пайызға , оның ішінде республикалық бюджет 131 пайызға , ал жергілікті бюджеттер 115 пайызға орындалды.

Ал 2016 жылға нақтыланған бюджеттің қосымша қаражаты басымдықты жобаларды жүзеге асыруға бағытталатын болады.

Бірінші кезекте министр 379 миллиард теңге сомасына бюджеттің нақтыланғаны туралы айтты. Қайта бөлуді ескергенде, игерілуі тиіс жаңа ақша 589 миллиард теңгені құрайды. Бұл қаражат экономикалық өсім мен әлеуметтік жобаларды күшейтеді.

"Әкімшілердің барлық жоспарлары бекітілді, жаңа қаражаттың 84 пайызы қазан және қараша айларында игерілетін болады. Ол үшін Қаржы министрлігінің порталына бақылау жүйесі енгізілген. Мемлекеттік органдар қараша айында келісімшарттарды тіркеуді аяқтап, толық игеруді қамтамасыз етуі тиіс", - хабарлады Сұлтанов.

Өз кезегінде министр түсіндіріп өткендей, бюджеттің теңгерімділігін қамтамасыз ету үшін Қаржы министрлігі күн сайын бюджет кірістері мен шығыстарының орындалуына мониторинг жүргізетін болады, оның ішінде "Нұрлы жол" бағдарламасы мен бюджетті нақтылау бойынша жаңа қаржылар да бар.   

"Екіншіден -  заңдастыру акциясын аяқтау бойынша жұмыстар жүйелендірілетін болады, қатысушылардың жеделділігі мен сенімі қамтамасыз етіледі. Сонымен қатар бәсекелестік ортаға беру үшін ведомствоға бағынышты ұйымдарды түгендеу бойынша жұмыстар аяқталатын болады", - деп ақпараттандырды министрлік басшысы.

Үшінші кезекте Б. Сұлтанов келесі жылдың бюджетін жоспарлау маңызды міндет болып табылатынын атап өтті. Республикалық бюджеттік комиссияның 2017-2019 жылдарға арналған бюджет жобасын мақұлдау туралы шешімі бар, мемлекеттік органдар сатып алулардың алдын ала жоспарларын құра бастай алады. Ұзақтығы бойынша күрделі сатып алуларды биылғы жылы жариялаған жөн.

"Осылайша, біз жылды толық әрі сапалы аяқтауға әзірміз. Экономикалық тұрақтылық міндеттерін шешу үшін барлық қазыналық шаралар қабылданатын болады", - деп түйіндеді министр.

Министрдің айтуынша, биыл жеті миллиардтан астам теңгенің нысандары жекешелендірген. Бұл өте жақсы көрсеткіш.

Министрдің мәлімдеуінше, мемлекеттік сатып алулар туралы жаңа заңның нормалары бәсекелестікті дамыту үшін жағдайлар тудырды. Қазір бір байқауға орта есеппен 5 қатысушыдан келеді. 9 ай ішінде 20 мың тапсырыс беруші мен 90 мыңнан астам жеткізуші тіркелген.   

"Биыл мемлекеттік аудитте басымдық адал жеткізушілерге беріледі. 2016 жылдың 9 айы ішінде 375 миллиард теңге сомасына дұрыс жарияланбаған мемлекеттік сатып алулар анықталды - олардың бәрі түзетіліп, тепе-тең қолжетімді болды", - деп хабарлады Б. Сұлтанов.

Министрлік басшылығының мәліметтері бойынша, биыл 7 миллиард теңгеге 67 нысан жекешелендірілген. Осылайша, жалпы сату саны 86,6 миллиард теңгеге 324 нысанды құраған. Ведомствоға бағынышты ұйымдарды түгендеу жұмыстары жүргізілуде. Соның нәтижесінде жекешелендірілетін кәсіпорындар тізімі артады.  

"Жекешелендіру бойынша акция аяқталуда, тек үшінші тоқсанда ғана орташа айлық ақша сомасы 40 есеге дерлік артты (6,3 миллиард теңге болған болса, қазір 250 миллиард теңге). Биылғы жылдың 14 қазанындағы мәліметтер бойынша барлығы 2,7 триллион теңге, оның ішінде ақша түрінде 1,8 триллион теңге заңдастырылды. Негізгі қаржылық нәтижелер осындай. Бюджетті орындау барысында қабылданған барлық шаралар экономикалық өсімге қолдау жасады", - деді министр.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай