Нұрсұлтан Назарбаев Өмірзақ Шөкеевті қабылдады

"Самұрық-Қазына" ҰӘҚ" АҚ басқармасының төрағасы Өмірзақ Шөкеевпен кездесу. ©Ақорда

Елбасы "Самұрық-Қазына" ҰӘҚ" АҚ басқармасының төрағасы Өмірзақ Шөкеевті қабылдады, - деп хабарлайды Tengrinews.kz тілшісі Ақордаға сілтеме жасап.

Елбасы "Самұрық-Қазына" ҰӘҚ" АҚ басқармасының төрағасы Өмірзақ Шөкеевті қабылдады, - деп хабарлайды Tengrinews.kz тілшісі Ақордаға сілтеме жасап.

Өмірзақ Шөкеев қордың қазіргі қызметі мен негізгі бағдарламаларды жүзеге асыру барысы, сондай-ақ алдағы кезеңге арналған жоспарлары туралы баяндады.

Мемлекет басшысы қазіргі экономикалық жағдайда қордың тиімді әрі орнықты жұмыс істеуі маңызды екенін айтты.

"Еліміздің экспорттық тауарларына баға төмендеген кезеңде жұмыс орындарының сақталуын қамтамасыз еткен жөн. Осы орайда жоспарланған жекешелендіру, активтерді қайта құрылымдау бағдарламаларын, шығыстарды қысқартуды және табысты ұлғайтуды қамтитын шараларды сапалы жүзеге асыруды жалғастыру маңызды болып отыр", - деді Нұрсұлтан Назарбаев.

Қазақстан Президенті Қордың 2015 жылға арналған жұмыс жоспарын қайта қарауды, сондай-ақ дағдарысқа қарсы арнайы бағдарламалар әзірлеуді тапсырды.

Өмірзақ Шөкеев өз кезегінде шығыстарды қысқартуға бағытталған, стратегиялық маңызы төмен бірқатар инвестициялық жобаларды тоқтатуды қамтитын шаралар туралы айтты. "Биыл біз өнімдеріміздің өзіндік құнын 7,8 пайызға, барлық ағымдағы және әкімшілік шығындарды 20 пайызға, сондай-ақ инвестициялық бағдарламаларды 18 пайызға төмендетуді жоспарладық", -деді ол.

Мемлекет басшысы кездесу қорытындысы бойынша бірқатар нақты тапсырмалар берді.

Шөкеев Өмірзақ Самұрық-Қазына Назарбаев Нұрсұлтан Астана