02 желтоқсан 2014 | 13:00

Нұрсұлтан Назарбаев Түрікменстанға келді

Гурбангулы Бердымұхамедов пен Нұрсұлтан Назарбаев. ©akorda.kz

Қазақстан Президенті Нұрсұлтан Назарбаев Түрікменстанға келді, - деп хабарлайды Тengrinews.kz тілшісі Ақорданың баспасөз қызметіне сілтеме жасап.

Қазақстан Президенті Нұрсұлтан Назарбаев Түрікменстанға келді, - деп хабарлайды Тengrinews.kz тілшісі Ақорданың баспасөз қызметіне сілтеме жасап.

Жалғасы

■

Назарбаев Түрікменстанмен арада тауар айналымының айтарлықтай өскенін атап өтті

02 желтоқсан 2014, 17:17

■

Нұрсұлтан Назарбаевқа "Түрікменнің Ел ағасы" құрметті атағы берілді

02 желтоқсан 2014, 22:01

Сапар барысында Түрікменстанның жоғары басшылығымен келіссөздер жоспарланған. Сонымен қатар, Қазақстан Президенті Нұрсұлтан Назарбаев Түрікменстан президенті Гурбангулы Бердымұхамедовпен және Иран Ислам Республикасының президенті Хасан Руханимен бірге Өзен-Берекет-Гөрган халықаралық теміржол магистралінің ашылу салтанатына қатысады.

Бұған дейін 2014 жылдың соңына дейін Қазақстан-Түрікменстан-Иран теміржол дәлізінің толық ашылатыны хабарланған болатын. Болжамдар бойынша, 2020 жылға қарай жаңа бағытта жүк тасымалдау мөлшері 15 миллион тоннаға жетеді, оның ішінде 3 миллион тоннасы - транзиттік жүк. Өзен (Қазақстан) - Қызылқая - Берекет - Этрек (Түрікменстан) - Гөрган (Иран) теміржол желісінің жалпы ұзындығы - 934,5 шақырым. Жолдың ең ұзаққа созылатын бөлігі - 722,5 шақырым - Түрікменстан арқылы өтеді. Қазақстан аумағына 130 шақырымы кіреді, ал Иран аумағында - 82 шақырым.

Түрікменстан Теміржол Сыртқы саясат Назарбаев Нұрсұлтан