+7 (777) 001 44 99
Қазақша
Русский
English
Республика Президенті әкімшілігінің басшысы Нұрлан Нығматулин Солтүстік Қазақстан облысының бұрынғы әкімі Самат Ескендіровтің отставкаға кеткенін мәлімдеді, - деп хабарлайды "Интерфакс-Қазақстан".
"Ол (Ескендіров - "ИФ-Қ") әкімдік қызметте 2013 жылдың қаңтар айынан бері жұмыс жасады, оның кезінде белгілі бір жетістіктер болды. Бірақ жіберілген қателіктер де болды, әсіресе қызметтік этиканы сақтауда. Атап айтқанда, бірқатар мемлекеттік тұлғалар жаза басып, құрылыс басқармасының басшысына, аудан әкімінің орынбасарына қатысты қылмыстық іс қозғалды. Осыған байланысты облыс әкімі отставкаға кетті. Оның өтінішін Президент қабыл алды", - деді Нығматулин сейсенбі күні Солтүстік Қазақстан облысы мәслихатының активтерімен және депутаттарымен кездескенде.
Бұған дейін жарияланғандай, бұл өңірдің жаңа басшысы болып Ерік Сұлтанов тағайындалды.
