ОҚО-да халықаралық "Хан Қорық" жастар фестивалі өтті

23 Тамыз 2016, 18:01
13
ОҚО-да халықаралық "Хан Қорық" жастар фестивалі өтті -

Тарихи мекендерді болашақ жастарға таныту барысында Қазақстан Республикасы Білім және ғылым министрлігі және Қазақстан ұлттық географиялық қоғамы ұйымдастыруымен "Хан Қорық" жастар фестивалі өтті, - деп жазады Massaget.kz тілшісі.

Айта кетейік, бұл фестивальге жоғарғы оқу орындарының студенттері еліміздің әр аймағынан келіпті. Олар Оңтүстік Қазақстан облысындағы ескі мекендерді аралап, ата-бабаларымыздың кесенелері мен тарихи жәдігерлерімен танысып жатыр. Сондай-ақ, қатысушылар алты ай бойы Шыңғыс хан әскеріне дес бермеген Отырар қаласының қазіргі бейнесін тамашалап, Сауран қаласының құламай келе жатқан қабырғаларына таңғалғандарын жасырмады.

Жетпіске жуық адам қатысқан бұл фестивальдің басты мақсаты - батысқа еліктеген жастардың бойына шығыс мәдениеті мен өркениеті де сан ғасырдан бері дамығанын көрсетіп, ел тарихына деген қызығушылықты ояту.

Осымен екінші рет ұйымдастырылған фестиваль алдын-ала жоспарлаған мекендерін толықтай аралады. Қатысушылар "Домалақ ана", "Арыстан баб", "Ақ мешіт" үңгірі мен "Сайрам Өгем" Мемлекеттік ұлттық табиғи паркінде болып қайтқан екен. Фотобаянды мына жерден көре аласыздар. 


© Massaget.kz


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікірлерді көру (13)
Оқылып жатыр
Талқыланып жатыр
Бүгін
Апта
Ай