+7 (777) 001 44 99
Қазақша
Русский
English
Сыбайлас жемқорлыққа қарсы және қадағалау органдарында жоғары лауазымдарда қызмет атқарған Олеся Кексель азаптау ісіне қатысы бар деген күдікке ілінді. Сот оны екі айға үйқамаққа жіберді. Бұл туралы Бас прокурордың орынбасары Ғалымжан Қойгелдиев мәлімдеді, - деп хабарлайды Tengrinews.kz тілшісі.
Не болған?
Олеся Кексельдің қамауға алынуына қатысты Қойгелдиев былай пікір білдірді:
"Қазіргі уақытта азаптау деректері бойынша соталды тергеу басталды. Жақында ол сот санкциясымен 2 ай мерзімге үйқамаққа алынды".
Қойгелдиев қыркүйекте Кексельге бұлтартпау шарасын таңдау кезінде оның кішкентай баласы бар екені ескерілгенін айтқан еді.
Айта кетейік, Олеся Кексель 2017-2018 жылдары Сыбайлас жемқорлыққа қарсы ұлттық бюроның тергеу департаменті басшысының орынбасары қызметін атқарған, кейін Арнайы прокурорлар қызметін басқарған. 2017 жылы "Жылдың мемлекеттік қызметшісі" атанған.
2025 жылдың жазында Бас прокуратура оның азаптау ісі бойынша күдікті болғанын хабарлаған еді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
