+7 (777) 001 44 99
Қазақша
Русский
English
Қазақша
Русский
English
Оман туризм министрі Қазақстанға жұмыс сапарымен келуге ниетті, - деп хабарлайды Tengrinews.kz тілшісі ҚР Сыртқы істер министрлігінің баспасөз қызметіне сілтеме жасап.
Жуырда Маскатта Қазақстан Республикасының елшісі Ержан Мұқаш Оман Сұлтанатының туризм министрі Ахмад бин Насер әл-Махризимен кездескен. Кездесу барысында қазақстан-оман қатынастарының даму келешегі талқыланды. Тараптар Қазақстан мен Оманның туризм саласын дамытуда ашылмаған әлеуеті бар деген ортақ тұжырымға келді.
ҚР елшісі әл-Махризиге Астанада өтетін EXPO-2017 көрмесі мен Алматыда өтетін Универсиада-2017 халықаралық шараларын өткізуге дайындық барысы туралы әңгімелеп берді. Ол соған байланысты туризм саласында екіжақты ынтымақтастықты жақсартудың маңызын атап өтті. Қазақстан елшісінің айтуынша, мұның алғашқы қадамы - екі елдің жауапты ведомстволары басшыларының өзара сапарларын ұйымдастыру.
"әл-Махризи мырза өзінің Оманның Қазақстандағы елшісі ретінде Қазақстанда болған кезін жылы шыраймен еске ала отырып, тараптарға ыңғайлы уақытта біздің елімізге сапармен баруға ниет білдірді", - делінген хабарламада.
