+7 (777) 001 44 99
Қазақша
Русский
English
Уақытша тіркеудің онлайн режимі бір ай ішінде мүмкін болады. Бұл туралы "Азаматтарға арналған үкімет" мемлекеттік корпорациясының төрағасы Данияр Ереншінов айтты, - деп хабарлайды Tengrinews.kz тілшісі.
"Неге онлайн режимде тіркелуге болмайды? Неге осы мәселені шешпеске?", - деп сұрақ қойды премьер-министр Сағынтаев үкімет отырысының барысында.
"Қызметтің бұл түрі бір ай ішінде жүзеге асырылатын болады", - деді Данияр Ереншінов. Алайда премьер-министр бір айдан соң халық арасында дүрлігудің азаятыны, сондықтан да енді онлайн режимнің қажет болмай қалатынын айтты.
"Заң қарастырылып жатқанда онлайн қызметті те енгізуді ойластыру қажет еді. 22 желтоқсанда заңды қабылдаған соң қаласаңыздар электронды режимде, қаласаңыздар ХҚКО-ға барсаңыздар болады деп айту керек еді", - деді Бақытжан Сағынтаев.
Данияр Ереншіновтің айтуынша, e-GOV арқылы уақытша тіркеудің онлайн бағдарламасымен айналысу Ұлттық ақпараттық технолиялардың құзыретінде. Сонымен қатар, Данияр Ереншінов бұл мәселенің ІІМ жұмысына да қатысы бар екенін айтты.
"Адамдарды бұл кімнің құзыретінде екені қызықтырмайды. Олар "Мемлекет, сіздер сәйкесінше заң қабылдадыңыздар, біз заңға бағынатын азаматтар ретінде осында тіркелуге келдік" дейді. Міне, осылай", - деді Сағынтаев.
Айта кетейік, осыған дейін Үкімет басшысы ішкі істер министрі Қалмұханбет Қасымовты уақытша тіркеуге байланысты туған дүрлігу үшін сынға алған еді.
