Оңтүстік Қазақстанда алдағы күндері үсік жүруі мүмкін

Оңтүстік Қазақстан облысында 13-15 қазан аралығында кей жерлерде үсік жүруі мүмкін, - деп хабарлайды Тengrinews.kz тілшісі "Қазгидромет" республикалық-мемлекеттік кәсіпорнына сілтеме жасап.

12-13 қазанда түнде Батыс Қазақстан, Атырау, 13 қазанда түнде Маңғыстау, 13-14 қазанда түнде Қызылорда облыстарында ауа температурасы 5 градусқа дейін төмендейді деп күтілуде.

13 қазанда Оңтүстік Қазақстан облысында күн жауында, кей жерлерде таңертең және күндіз қатты жауын болады, таулы аймақтарда жауын соңы қарға ұласуы м.мкін, тұман түседі деп күтілуде. 13-15 қазанда түнде кей жерлерде 3 градусқа дейін үсік жүреді деп болжануда.

Айта кетейік, осыған дейін қазан айында ауа райы қандай болатыны айтылған еді.