Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.68
EUR / KZT - 389.40
CNY / KZT - 49.85
RUB / KZT - 5.60

Оңтүстік Қазақстан мектептерінің бірінде хиджаб дауы туындады

27 Қаңтар 2015, 00:04
0
Айша Ескермес. "31-арна" кадры
Айша Ескермес. "31-арна" кадры

Арыс қаласында хиджаб киетін оқушының ата-анасы мен мектеп әкімшілігі арасында текетірес туындады, - деп хабарлайды "31-арна"

Екінші сыныпта оқитын Айша Ескерместің ата-анасы мектеп қыз баланың діни ережелерді ұстануына кедергі келтіріп отыр деп есептейді. Мектеп әкімшілігі оқушыға сабаққа орамал тағып келуге тыйым салды. "Біз ислам дінін ұстанамыз, Құраны Кәрімнің "Нұр" сүресінің 31-аятында "барлық әйел орамал тағып, ұзын көйлек киген" деп жазылған. Біз де әуретті жауып жүруді дұрыс санаймыз", - дейді оқушы қыздың әкесі Русланбек Әбілов. 

Мектеп басшылығы Айшаның ата-анасын білім мекемесінің жарғысын бұзды деп кінәлайды. Әкімшілік мектепте оқушылардың орамал тағып жүруіне рұқсат бере алмайды. "17 қаңтар күні ата-ана мектепке қызын басына орамал таққызып әкелді. Ата-ананы шақырып, заңда оқушылар мектептің ішкі тәртібін сақтауы керек екені айтылғанын түсіндірдік. Мектепке оқушылардың орамал тағып келуіне болмайды. Ата-аналар жиналысын өткіздік, олардың 99 пайызы мектеп әкімшілігін қолдады. Тіпті, оқушыны басқа мектепке ауыстыруды сұрады", - дейді Арыс қаласындағы №376 мектептің оқу ісі жөніндегі меңгерушісі Талғат Ахметов.

Қалалық білім бөлімінің өкілдері мектепте орамалға немесе хиджабқа нақты тыйым салынбағанын айтты. Дегенмен бұл дауда педагогтардың ұстанымын дұрыс деп есептейді. "Бұл мектептің қыс кезіндегі формасы - ақ алжапқыш, көк немесе қара түсті киім. Басқа бант тағуға болады, ал орамалға рұқсат етілмейді", - дейді білім бөлімінің әдіскері Береке Тасқымбаев.

Айша Ескерместен мектепке орамал тағып келмеуді талап еткен мұғалімдерді жергілікті мешіттің өкілдері де қолдап отыр. "Егер мекеме хиджабқа қарсы болса, мектепке бармай қалуға немесе олармен соттасуға болмайды. Елдегі ережелер мен заңдарды ұстану діни сенімге қайшы келмейді. Қыз бала білім мекемесінде талап етілген киімді киюі керек, ал көшеде, басқа жерде өзінің хиджабын кие берсін", - дейді Оңтүстік Қазақстан облысы бас имамының көмекшісі Өркен Сапарқұлов.

Ал Айшаның әкесі қызының мектепте жалаңбас жүруіне үзілді-кесілді қарсы. Ол діни сенім бостандығын алға тартып, прокуратураға шағым түсірді. Құқық қорғау органдарына шағымдануға мұғалімдер де әзірленіп жатыр. 


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай