+7 (777) 001 44 99
Қазақша
Русский
English
Жамбыл облысында жүкті болып қалған кәмелетке толмаған студенттің төңірегінде жанжал шықты. Бұл - екінші жағдай. Бірінші ретінде зорлық көрген. Ол кезде қыз небәрі 12 жаста болған, - деп хабарлайды Tengrinews.kz тілшісі.
Не белгілі?
2023 жылы 13 жастағы қыз жанжалдың ортасында қалды. Сол кезде қызды 2022 жылы жергілікті депутаттың күйеуі зорлағаны анықталды. Тергеу барысында 55 жастағы ер адамның балаға кем дегенде үш рет зорлық көрсеткені белгілі болды. Салдарынан қыз жүкті болып қалған.
Кәмелетке толмаған оқушының жүктілігін жасыру үшін Жаңатастағы интернаттың басшылығы заңсыз түсік жасатуды ұйымдастырған.
Содан кейін бірнеше қылмыстық іс қозғалып, алты адам сотталды, оның ішінде депутаттың күйеуі де бар. Сот оны 20 жылға бас бостандығынан айырды.
Атышулы оқиғадан кейін зардап шеккен қыз Тараздағы көпбалалы және аз қамтылған отбасылардың балаларына арналған мектеп-интернатқа ауыстырылды.
Екінші жүктілік
Жамбыл облысы әкімдігінің білім басқармасы мәліметінше, уақытына қарағанда, колледждің бірінші курс студенті қысқы каникул кезінде жүкті болып қалған.
"Оқиғаға қатысты дереу құзырлы органдарға хабарланды. Кәмелетке толмаған баланың анасына жауапкершілік мәселелері бойынша түсіндіру жұмыстары жүргізілді", - деп хабарлады ведомство.
Ведомствоның баспасөз қызметі қазіргі уақытта қызға академиялық демалыс беру мәселесі қаралып жатқанын да атап өтті.
"Білім беру ұйымы құқық қорғау органдарымен бірлесіп, заң аясында тиісті шаралар қабылдап жатыр", - делінген түсініктемеде.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
