20 мамыр 2017 00:48

Оңтүстік Корея әуежайы қазақстандықтарды жертөледе қамап ұстап отыр

ПОДЕЛИТЬСЯ

© КТК кадры © КТК кадры

Оңтүстік Кореяда бір топ отандасымыз тағы тұтқынға түсіп қалды. Елу шақты азаматты әуежай қызметкерлері бірден жертөлеге түсірген. Бірақ не үшін ұстағандарын ешкімге тәптіштеп түсіндірмепті. Тек ұшақтан түскен бойда сұрақ-жауаптың астына алып, тар жерге қамап қойған. Әрқайсы әртүрлі шаруамен барған қазақстандықтар осылайша 5 күннен бері жіпсіз байланып отыр, - деп хабарлайды КТК.


Оңтүстік Кореяда бір топ отандасымыз тағы тұтқынға түсіп қалды. Елу шақты азаматты әуежай қызметкерлері бірден жертөлеге түсірген. Бірақ не үшін ұстағандарын ешкімге тәптіштеп түсіндірмепті. Тек ұшақтан түскен бойда сұрақ-жауаптың астына алып, тар жерге қамап қойған. Әрқайсы әртүрлі шаруамен барған қазақстандықтар осылайша 5 күннен бері жіпсіз байланып отыр, - деп хабарлайды КТК.

Тіл білмейтін Қазақстан азаматтары тілмаш та таба алмай, бірнеше күннен бері аш жатқанын хабарлаған.

"Тек кәріс тілінде сөйлесіңдер дейді. Тілмаш жоқ болғандықтан тамақ сұрап іше алмай отырмыз. Біраз жігіттер ауырып жатыр. Күніне аздаған сусын мен жарты нан береді, болды", - дейді Жасұлан Әнуарбаев.

Жат елдің жертөлесіне қамалған отандастарымыз сол жақтан қонақүйге тапсырыс беріп, қайтар билеттерін де алған екен. Бірақ 5 күннен бері қамауда қалып, шаш етектен шығынға баттық деп шырылдап отыр.

"Барлығымыз қонақ үйдің ақшасын төлеп қойғанбыз. Сақтандыру құжаттарымыз бар. Жеке басым Кореяны көруге келген едім. Бірақ қазір жертөледе жатырмыз", - дейді Хандамир Құдіретов.

Ал еліміздің Сыртқы істер министрлігі Оңтүстік Кореяда тек 16 азаматтың барын растады. Қазір олардың мәселесімен сол жақтағы елшілер айналысып жатыр екен.

Сыртқы істер министрлігінің мәліметінше, жат елде жіпсіз байланған отандастарымыз көші-қон заңын бұзғаны үшін Кореяға кіргізілмепті. Сондықтан, олардың бір тобы елге депортацияланған. Инчхон әуежайында әлі үш отандасымыз қалыпты. Олар Қазақстанға ертең қайтарылады (Дереккөз: КТК).

Читайте также
Join Telegram

Валюта бағамы

 448.12   483   4.85 

 

Ауа райы

 

Редакция Жарнама
Социальные сети