+7 (777) 001 44 99
Қазақша
Русский
English
Орал тұрғындары бірнеше күн бойы әлеуметтік желілерде ұшақ іздері анық көрінетін аспан видеолары мен суреттерін бөлісіп жатыр, - деп хабарлайды Tengrinews.kz тілшісі.
"Мұндайды көрмегелі көп болған еді. Украинада соғыс басталғалы осы. Бұл Батыс Қазақстан облысының аумағы", - дейді Орал маңында түсірілген роликтің авторы.
Алайда кей топтарда мамандар бұл құбылысты түсіндірген.
"Ресей шетелдік ұшақтарға әуе кеңістігін жауып тастады, қазір барлығы біздің ел аумағы арқылы ұшады. Ресейдің оңтүстігіндегі барлық дерлік әуежай жабылып, Сочиден басқа көптеген қаланың аспаны жабылды. Flightradar24-те көре аласыз", - делінген пікірлердің бірінде.
БҚО әкімінің баспасөз қызметі ақпаратты растап, бұл іздер өңір аумағынан ұшатын ұшақтар санының артуына байланысты екенін хабарлады.
"Ресейлік ұшақтарға басқа елдердің үстінен ұшуға рұқсат жоқ. Сондықтан біздің әуе кеңістігіміз пайдаланылады", - деді БҚО әкімінің баспасөз хатшысы Нұрхат Жанбоз.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
