+7 (777) 001 44 99
Қазақша
Русский
English
Орал әуежайының атауы өзгертіледі. Бұл шешім облыстық мәслихат сессиясында қабылданды, - деп хабарлайды Tengrinews.kz тілшісі "Мой город" порталына сілтеме жасап.
20 қазанда облыстық мәслихат сессиясы өтті. Тілдерді дамыту басқармасы басшысының міндетін атқарушы Света Ганиеваның айтуынша, мұндай ұсыныс қоғам қайраткерлері мен депутаттар тарапынан түскен.
"Nur Otan партиясы жанындағы "Мирас" қоғамдық кеңесінің мүшелері мен облыстық мәслихат депутаттары "Орал халықаралық әуежайы" ЖШС атауын өзгерту туралы ұсыныс енгізді. Әуежайға Кеңес Одағының Батыры Мәншүк Мәметованың есімін беру туралы ұсынысты қолдауды сұраймын", - деді Света Ганиева.
Портал мәліметінше, депутаттар бұл ұсынысты бірауыздан қолдаған.
Мәншүк Мәметова Орал облысының (қазіргі БҚО) тумасы, Ұлы Отан соғысына қатысқан. Мәметова Қызыл Армияда пулеметші болған. Ол соңғы шайқаста 70-тен аса қарсыласын жойып, 1943 жылдың күзінде қайтыс болды. Кейіннен оған Кеңес Одағының Батыры атағы берілген еді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
