+7 (777) 001 44 99
Қазақша
Русский
English
Әлеуметтік желіде Оралда "Сказка" дүкеніндегі тағы бір видео пайда болды. Ол бірден сатушы мен клиент төбелісінен кейін түсірілген, - деп хабарлайды Tengrinews.kz тілшісі.
Видеода сөрені сындырған әйел дүкенге қайтып келгені көрсетілген. Ол өзін ұстай алмаған. Клиент сатушыны ұлтшыл деп, бейәдеп сөздер айта бастаған.
"Камераңды ал", - дейді әйел адам оларды түсіріп тұрған куәгерге.
Одан бөлек, видеодан төбелестің салдарын - шашылып қалған азық-түлікті байқауға болады.
Полицейлердің мәліметінше, іс материалдары әкімшілік сотқа Әкімшілік құқық бұзушылық туралы кодексінің 434-бабы бойынша жолданған. Тәртіп бұзушыға 5 АЕК айыппұлдан 10 күн қамауға дейін жаза тағайындалуы мүмкін.
"Клиент сатушының шұжықты қолымен алып бергеніне наразы болған. Ол әйел бұл дүкенде жиі жанжал шығарып тұрады", - деді Оралдың ПБ басшысының бірінші орынбасары Жантемір Иманалиев.
Еске салайық, 12 қаңтарда күндізгі уақытта "Сказка" дүкенінде 50 жастағы әйел шу шығарып, сөрені сындырған болатын. Артынша екі тарап та полицияға арыз жазған.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
