+7 (777) 001 44 99
Қазақша
Русский
English
Оралда полиция қызметкерінің қатысуымен жол-көлік оқиғасы болды. "Нива" автокөлігін мінген полиция қызметкері бағанаға соғылған, - деп хабарлайды Tengrinews.kz тілшісі.
Куәгерлер оқиға орнынан видео түсіріп, желіге таратып жіберген. Қалалық полиция департаментінің баспасөз қызметі жол-көлік оқиғасын растады.
"12 тамызда сағат 02:40-та Сырыма Датұлы көшесінің бойымен, "Мечта" сауда үйіне қарама-қарсы оңтүстік бағытта, қызметтік көлікті басқарып келе жатқан полиция қызметкері, рөлді басқара алмай жарық тірегіне соқтығысқан. Оқиға нәтижесінде зардап шеккендер жоқ. Қазір қызметтік тергеу жүргізіліп жатыр", - деп мәлімдеді БҚО полиция департаменті баспасөз қызметінің басшысы Болатбек Белгібеков.
"ЖайықЖарығы" ЖШС жарық тірегі қатты зақымдалғанын және қайта жөндеуден өтетінін мәлімдеген.
