+7 (777) 001 44 99
Қазақша
Русский
English
Ақмола облысында "Қазақалтын" тау-кен - металлургия концерніне қарасты "Западная" шахтасында өрт болды деп хабарлайды Tengrinews.kz ҚР Төтенше жағдайлар министрлігіне сілтеме жасап. "13 ақпан күні сағат 05.20-да Степногорск қаласының Бестөбе елді мекенінде "Қазақалтын" тау-кен - металлургия концерні" АҚ-на қарасты "Западная" шахтасында ағаш материалдар өртенді. Өрт 08.17-де ауыздықталған. Жалын шарпыған аудан - 0,5 шаршы метр", - делінген министрліктің хабарламасында. Төтенше оқиға кезінде шахтадан 63 адам қауіпсіз жерге шығарылған. Зардап шеккендер мен құрбан болғандар жоқ. Өртті сөндіруге "Жолымбет әскерилендірілген таудан құтқару жасағы" кәсіпорны филиалының 8 маманы мен 3 техникасы қатысты. Өткен жылдың соңында "Қазақалтын" корпорациясының Ақмола облысындағы кен орындарында төтенше оқиғалар жиі тіркелген еді. Қарашаның 21-і күні Шортанды ауданының Жолымбет елді мекеніндегі "Центральная" шахтасында жарылыс салдарынан бір жұмысшы қайтыс болды. Ал қазан айында осы шахтада екі жұмысшыны үйінді басып қалған еді.
ПОДЕЛИТЬСЯ
Ақмола облысында "Қазақалтын" тау-кен - металлургия концерніне қарасты "Западная" шахтасында өрт болды деп хабарлайды Tengrinews.kz ҚР Төтенше жағдайлар министрлігіне сілтеме жасап.
"13 ақпан күні сағат 05.20-да Степногорск қаласының Бестөбе елді мекенінде "Қазақалтын" тау-кен - металлургия концерні" АҚ-на қарасты "Западная" шахтасында ағаш материалдар өртенді. Өрт 08.17-де ауыздықталған. Жалын шарпыған аудан - 0,5 шаршы метр", - делінген министрліктің хабарламасында.
Төтенше оқиға кезінде шахтадан 63 адам қауіпсіз жерге шығарылған. Зардап шеккендер мен құрбан болғандар жоқ. Өртті сөндіруге "Жолымбет әскерилендірілген таудан құтқару жасағы" кәсіпорны филиалының 8 маманы мен 3 техникасы қатысты.
Өткен жылдың соңында "Қазақалтын" корпорациясының Ақмола облысындағы кен орындарында төтенше оқиғалар жиі тіркелген еді. Қарашаның 21-і күні Шортанды ауданының Жолымбет елді мекеніндегі "Центральная" шахтасында жарылыс салдарынан бір жұмысшы қайтыс болды. Ал қазан айында осы шахтада екі жұмысшыны үйінді басып қалған еді.
