+7 (777) 001 44 99
Қазақша
Русский
English
Қазақша
Русский
English
Қазақстанның Орталық сайлау комиссиясы (ОСК) Президент Қасым-Жомарт Тоқаев тағайындаған Сенаттың он депутатын тіркеді, - деп хабарлайды Tengrinews.kz тілшісі.
"Парламент Сенатының депутаты ретіндегі өкілеттеріңіз басталады. Еліміздің заң шығару билігін жүзеге асыратын ең жоғары өкілді органы - Қазақстан Республикасы Парламентінің депутаты болдыңыздар", - деді ОСК төрағасы Нұрлан Әбдіров депутаттар алдында сөйлеген сөзінде.
Сенат депутаттарының куәліктері мен төсбелгілері табысталды:
- Жақып Асанов (Жоғарғы соттың бұрынғы төрағасы);
- Мәулен Әшімбаев (қайта тағайындалды);
- Нұртөре Жүсіп (қайта тағайындалды);
- Ләззат Қалтаева (қайта тағайындалды);
- Асқар Шәкіров (қайта тағайындалды);
- Евгений Больгерт (ҚХА-дан);
- Зәкіржан Кузиев (ҚХА-дан);
- Нурия Ниязова (ҚХА-дан);
- Әлішер Сатвалдиев (ҚХА-дан);
- Геннадий Шиповских ҚХА-дан).
2022 жылғы республикалық референдумда Қазақстан Конституциясына өзгерістер мен толықтырулар қабылданды. Енді Президент 15 емес, он депутатты тағайындайды, оның бесеуі – Қазақстан халқы Ассамблеясының ұсынысы бойынша.
Еске салайық, бір күн бұрын Президент жарлығымен 13 сенатордың өкілеті тоқтатылған болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
