+7 (777) 001 44 99
Қазақша
Русский
English
Өскемендік студенттер жаңажылдық мерекеде жатақханасыз қалудан қорқады, - деп хабарлайды Tengrinews.kz тілшісі КТК арнасына сілтеме жасап.
Қаладағы түрлі оқу орындарының 189 студенті жеке жатақханада тұрады. Мұнда көпшілігі мемлекет есебінен тегін өмір сүреді, негізінен жетім балалар мен аз қамтылған отбасы балалары. Сондықтан Жаңа жыл күні баспанадан шығарылатындары туралы ескерту нағыз дүрбелең туғызған.
"Бізге 1 қаңтардан бастап жатақхана жабылатынын айтты. Жатақханамыздың жабылу қаупі бар. Егер пәтерге кетсек, бұл қымбатқа түседі", – дейді стоматологиялық колледж студенті Анастасия Горбунова.
Жатақхана әкімшілігі мәселе мемлекет тарапынан қаржыландырудың тоқтап қалуынан туындады деп түсіндіреді. Министрлік реформасынан кейін олармен ұзақ уақыт келісімге қол қоймаған. Ал жатақхана басшылығы студенттерді өз есебінен асырай алмайды. Алайда мемлекеттік органдар студенттерді шығармайды деп отыр.
"Келісімшарттар қазынашылыққа тіркеуге жіберілді. 2022 жылдың 20 желтоқсанына дейін барлық төлем жеткізушіге аударылады. Ал жеткізуші барлық талабын қайтарып алды. Студенттерге қатысты төлемдер болатындықтан, студенттер шығарылмайды", - деді "Қаржы орталығы" АҚ ілгерілету және сыртқы коммуникациялар департаменті директорының орынбасары Диас Жамбылов.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
