18 маусым 2024 09:35

Отарда сарбаз комаға түсті: Қорғаныс министрлігі ресми мәлімдеме жасады

ПОДЕЛИТЬСЯ

Фото:depositphotos.com Фото:depositphotos.com

Қорғаныс министрлігі Жамбыл облысында сарбаз комаға түсуіне қатысты ресми мәлімдеме жасады, - деп хабарлайды Tengrinews.kz тілшісі.


Қорғаныс министрлігі Жамбыл облысында сарбаз комаға түсуіне қатысты ресми мәлімдеме жасады, - деп хабарлайды Tengrinews.kz тілшісі.

"2024 жылғы 9 маусымда Жамбыл облысының Қордай аудандық орталық ауруханасына Гвардейск гарнизонының мерзімді қызметтегі әскери қызметшісі шұғыл жатқызылды. Бастапқыда өзін әлсіз сезініп, қызуы көтерілген сарбаз Гвардейск гарнизонындағы әскери госпитальдің жұқпалы аурулар бөліміне жеткізілген болатын. Медициналық тексерулер мен зерттеулер әскери қызметшіден екіжақты полисегментті пневмония анықтады", - деп хабарлады министрлік.

Ведомство мәліметінше, науқастың жағдайы ауыр. Қазір оған барлық қажетті медициналық көмек көрсетіліп жатыр.

"Сонымен бірге ол жерде Қорғаныс министрлігі әскери клиникалық госпиталінің құрамына анестезиолог, реаниматолог және терапевт дәрігерлер кіретін көшпелі бригадасы жұмыс істеп жатыр. Әскери қызметші емдеу мекемесіне түскен кезде оның денесінен көгерген немесе зақымдану іздері болмағанын атап өту керек. Мерзімді қызметтегі сарбазға қатысты келісімшарт бойынша әскери қызметші тарапынан билікті асыра пайдалану фактісі бойынша ҚР ІІМ Әскери тергеу басқармасы қылмыстық іс қозғады. Тексеру жүргізілуде. Тергеу мүддесі үшін басқа ақпараттар жария етілмейді. Іс Қазақстан Республикасы Қорғаныс министрінің ерекше бақылауында", - деп хабарлады Қорғаныс министрлігі.

Отарда сарбаз комаға түсті: Тоқаев оқиғаның мән-жайын мұқият зерттеуді талап етті

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Читайте также
Join Telegram

Валюта бағамы

 474.66   490.7   5.4 

 

Ауа райы

 

Редакция Жарнама
Социальные сети