+7 (777) 001 44 99
ПОДЕЛИТЬСЯ
Қазақстанда өткен жылы 246 мыңға жуық көпбалалы анаға жәрдемақы төленді, - деп хабарлайды Tengrinews.kz тілшісі ҚР Денсаулық сақтау және әлеуметтік даму министрлігінің баспасөз қызметіне сілтеме жасап.
Қазақстанда өткен жылы 246 мыңға жуық көпбалалы анаға жәрдемақы төленді, - деп хабарлайды Tengrinews.kz тілшісі ҚР Денсаулық сақтау және әлеуметтік даму министрлігінің баспасөз қызметіне сілтеме жасап.
Баспасөз қызметінің мәліметінше, өткен жылы төрт және одан да көп баласы бар аналар мен көпбалалы отбасыларға жәрдемақы төлеу үшін республикалық бюджеттен 55,2 миллиард теңге бөлінді.
"Мемлекеттік марапатқа ие болған көпбалалы аналарға төленген жәрдемақының мөлшері 2014 жылы 11 853 теңге болды. Мемлекеттік қолдаудың мұндай түрін ай сайын 245,8 мың әйел алып отырды", - делінген хабарламада.
Айта кетейік, өткен жылы кәмелет жасына жетпеген, бірге тұратын төрт және одан да көп баласы бар отбасыларға да жәрдемақы төленді, төленген ай сайынғы жәрдемақының мөлшері - 7 705 теңге. Мемлекет тарапынан мұндай қолдау 220,1 мың отбасыға көрсетілді.
