+7 (777) 001 44 99
Қазақша
Русский
English
Премьер-министр Әлихан Смайылов министрлер кабинетіне жылу беру тоқтатылған қалалардағы жағдай туралы қазақстандықтарды жедел хабардар етуді тапсырды, - деп хабарлайды Tengrinews.kz тілшісі.
"Технологиялық ақауларға байланысты инциденттер болып жатыр. Бұзылған учаскелерді нормативтік мерзімде қалпына келтіру бойынша шұғыл шаралар қабылданды", - деді Әлихан Смайылов.
Үкімет басшысының айтуынша, авариялар болған жағдайда барынша шұғыл әрекет етіп, тиісті шаралар қабылдау керек.
"Халыққа нақты жағдай туралы, жөндеу жұмыстары мен жоспарлы жұмыстар туралы дер кезінде объективті әрі түсінікті ақпарат беру – маңызды мәселе. Әйтпесе, өтірік ақпарат пен фейк тарап кетеді", - деді Премьер-Министр.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
