Пан Ги Мун Нұрсұлтан Назарбаевты сайлаудағы жеңісімен құттықтады

30 Сәуір 2015, 14:35
0
Пан Ги Мун Нұрсұлтан Назарбаевты сайлаудағы жеңісімен құттықтады - © kz.troniks.kz
© kz.troniks.kz

Пан Ги Мун Нұрсұлтан Назарбаевты сайлаудағы жеңісімен құттықтады, - деп хабарлайды Tengrinews.kz тілшісі Ақорданың баспасөз қызметіне сілтеме жасап. 

Баспасөз қызметінің мәліметінше, БҰҰ Бас хатшысынан құттықтау жеделхаты келіп түскен.

"Қазақстан мен БҰҰ көптеген салаларда тығыз әрі жан-жақты қарым-қатынас орнатты. Біздің қарым-қатынастарымыз Қазақстан халқының және бүкіл өңірдің игілігі үшін бұдан әрі де дами береді деп үміттенемін", - делінген жеделхатта.

Айта кетейік, бұдан өзге Нұрсұлтан Назарбаевтың атына оның Қазақстан Республикасы Президенті болып сайлануына байланысты Люксембург премьер-министрі Ксавье Беттельден, Италия президенті Серджио Маттарелладан және Сингапур Республикасының президенті Тони Тан Кенг Ямадан құттықтау жеделхаты келіп түсті.

Еске сала кетейік, Қазақстан президентінің кезектен тыс сайлауы сайлаушылардың көптігімен ерекшеленді. Ресми мәліметтер бойынша, қазақстандықтардың 95 пайызынан астамы дауыс берді. ҚР ОСК нақты мәліметінше, Нұрсұлтан Назарбаевқа 97,75 пайыз дауыс берілді.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай